बुढापो वृद्ध दिवस पर विशेष
ABDUL SAMAD RAHi 
वृद्ध दिवस की पूर्व संध्या पर विशेष
बुढ़ापो
*****
बुढापो तो सगलां नैं आसी ।
ओ ' बुढापो तो घणो दोरो रे ।।
अंग सगळा तो उतर दे देवै।
उठणो-बैठणो घणो दोरो रे ।।
सरदी-गरमी हुवै चाहे चौमासा ।
जीवण तो जीणो घणो दोरो रे।।
छोटी-मोटी बीमारय्यां री लाचारी ।
बुढापो में तो जीणो नीं सोरो रे ।।
ओ ' बुढापो तो सगळा नै आणो ।
बुढापै सूं सीख नीं ली तो दोरो रे ।।
मां-बाप,बुजुर्गा री चाकरी कर लो ।
थांरो बुढापो भी हुंवसी सोरो रे ।।
*******
मईनुदीन कोहरी "नाचीज बीकानेरी"
मोहल्ला कोहरियांन, बीकानेर
